Երևանն ու Բաքուն փորձում են պայմանավորվել տեղանունների շուրջ

Վարչապետ Փաշինյանը Հանրային Հ/Ը–ի եթերում խոսել է հայ–ադրբեջանական հարաբերությունների կարգավորման շուրջ ներկայիս զարգացումների մասին.

«Քննարկում կա Հայաստանի և Ադրբեջանի միջև, մի քանի փուլ աշխատել ենք, բայց դեռ վերջնական արդյունքի չենք հասել, կա թեմա, որ եկեք պայմանավորվենք, որ միմյանց տեղանուններին վերաբերվելու ենք ըստ ինքնիշխան երկրների՝ ՄԱԿ-ի աշխարհագրական ռեեստրում ներկայացված տեղանունների ցանկի»,– նշել է նա՝ հավելելով.

«Հայաստանը և Ադրբեջանը խաղաղության նախաստորագրված համաձայնագրով պետք է հանգիստ թողնեն միմյանց: Իրենց մամուլը գրում է Բասարգեչարի էսինչ շրջանի․․․ երբ ես կարդում եմ դա, չափազանց տհաճ է, իմ մոտ հարց է առաջանում, որ միմյանց ինքնիշխանությունը ճանաչել ենք, ՀՀ-ի տարածքում էս ի՞նչ Բասարգեչար է, իրենք էլ կպատասխանեն՝ բա դուք էս քաղաքին ինչի՞ եք այսպես ասում»,-ասել է նա: