Փաշինյանը պատասխանել է ընդդիմադիրների հայտարարությանը

Վարչապետ Նիկոլ Փաշինյանի Գեղարքունիքում ընթացող քարոզարշավի ընթացքում խոսելով ընդդիմության հայտարարություների մասին ասել է, որ 2020թ․-ին լրտեսական առաքելություն էին կատարում՝ ներդնելով միջանցքի թեման, նույն ձևով այսօր լրտեսական առաքելություն են կատարում՝ ներմուծելով 300 հազար ադրբեջանցիների թեման։

«2021 թվականին ի՞նչ էր ասում ընդդիմությունը: Ընդդիմությունն ասում էր՝ Սևանը տվել են, 2021 թվի նախընտրական քարոզարշավին, ասում էին՝ եթե ՔՊ-ի օգտին քվեարկեք, հլը էն ժամանակ շատ բարեգութ էին, ասում էին՝ Սևանի արևելյան ափը, նկատի ունեին Շորժայից մինչև Մասրիկ, ադրբեջանցիներն են գալու ապրեն: Էսօր քանի՞ ադրբեջանցի է ապրում Գեղարքունիքի մարզում»,-շեշտել է վարչապետը։
 

Նրա խոսքով՝ Շորժա-Մասրիկ հատվածը տպավորություն չի թողնում, այժմ էլ մտցրել են 300,000 ադրբեջանցու վերադարձի թեմա. «Չի եղել էդպիսի թեմա, չկա և չի՛ լինելու: Որովհետև մենք փակել ենք կոնֆլիկտի էջը: Բայց ես ձեզ ասում եմ նաև ուղիղ և առանց սեթևեթանքի՝ չկա և չի լինելու 500,000 Ադրբեջանից հեռացած հայերի վերադարձի թեմա, չի՛ լինելու»,-շեշտել է վարչապետը։