Ուժգին երկրաշարժ` Իտալիայում

Իտալիայում 6,1 մագնիտուդով երկրաշարժ է տեղի ունեցել: Այդ մասին հայտնել է Եվրոպական-միջերկրածովյան սեյսմոլոգիական կենտրոնը: ԱՄՆ Երկրաբանական ծառայության տվյալներով՝ ստորգետնյա ցնցումները գրանցվել են Իտալիայի ափերից 20 կմ հեռավորության վրա, օջախը գտնվել է 247,1 կմ խորության վրա:

Վոլկանո Դիսքավերիի տվյալներով՝ գրանցվել է ցնցումների մասին առնվազն 418 հաղորդում: Հետևանքները զգացել են նաև Կալաբրիայի բնակիչները, նրանք սոցցանցերում կիսվում են տեղի ունեցածի կադրերով: Տուժածների և զոհերի մասին տվյալներ չեն ստացվել: Նախորդ երեք օրերին Իտալիայում նույնպես գրանցվել էին ավելի թույլ երկրաշարժեր. Իտալիայի երկրաֆիզիկայի և հրաբխագիտության ազգային ինստիտուտի տվյալներով՝ դրանց մագնիտուդը չի գերազանցել 3,1-ը: