Թրամփը բացահայտ հրապարակել է իր բժշկական զննության արդյունքները

ԱՄՆ նախագահ Դոնալդ Թրամփը Truth Social-ի իր էջում տեղեկացրել է, որ իր բժշկական զննության արդյունքները ծայրահեղ լավն են եղել։

«Իմ բժշկական զննության արդյունքները, որն անցկացվել է Ուոլտեր Ռիդի անվան ռազմական բժշկական կենտրոնում և հենց նոր հրապարակվել է, ծայրահեղ լավն էին: 

Ի տարբերություն ԱՄՆ մյուս նախագահների, որոնցից ոչ մեկը երբևէ չի անցել հաստատված, բարձր բարդության Կոգնիտիվ թեստ, ես հավաքել եմ կատարյալ 30 միավոր 30-ից, ինչը համարվում է «ծայրահեղ ինտելեկտ»: Տխմարոկրատներն իրո՞ք զարմացած են:

Իրականում, սա իմ չորրորդ նման թեստն է, բոլորը՝ կատարյալ կամ 120 ճիշտ պատասխան տրված 120 հարցերից: Շատ հազվադեպ է պատահում, որ որևէ մեկը կատարյալ արդյունք գրանցի, հատկապես, երբ դրան հասնում են չորս անգամ անընդմեջ: Բոլոր նրանք, ովքեր առաջադրվում են նախագահի և փոխնախագահի պաշտոններում, պետք է ստիպված լինեն անցնել բարձր բարդության կոգնիտիվ թեստեր: Կոնգրեսը և տխմարոկրատները պետք է պահանջեն դա»,- գրել է Թրամփը: