16:00 Լուրերը մեկ տողով. Փարիզում մասսայական անկարգություններ և բախումներ են սպասվում. Դատական հայցեր Երևանում

Անցած ժամվա լուրերը՝ հակիրճ և բովանդակային.

•Հայաստանում «Ուժեղ Հայաստան» դաշինքի առաջնորդը զրպարտության համար դատական հայց է ներկայացրել Ազգային ժողովի նախագահի դեմ։

•«Անկախ դիտորդը» նախընտրական փուլում բարեգործության արգելքը խախտելու հիմքով պատրաստվում է բազմաթիվ հայցեր ներկայացնել «Իմ քայլը» հիմնադրամի ղեկավարի դեմ։

•Ուկրաինան վավերացրել է նոր հակառուսական պատժամիջոցներ, որոնց թիրախում են հայտնվել նաև Իրանի ու Սուդանի քաղաքացիներ և ընկերություններ։

•Էստոնիան Ռուսաստանի հետ սահմանին տեղադրել է առաջին սարքերը, որոնք հայտնաբերում և հետևում են անօդաչու թռչող սարքերին։

•Իրանը քննադատել է Միացյալ Նահանգների նախագահին բանակցություններում չափազանցված պահանջներ առաջ քաշելու և ծովային շրջափակումը շարունակելու համար։

•Շանհայի համագործակցության կազմակերպության անդամ պետությունները կոչ են արել զերծ պահել տիեզերքը զենքից և մտահոգություն են հայտնել հակահրթիռային համակարգերի ծավալման առնչությամբ։

•Փարիզում անվտանգության խիստ միջոցառումներ են ձեռնարկվում և ոստիկանական ուժեր են կենտրոնացվում Չեմպիոնների լիգայի եզրափակիչ խաղից հետո հնարավոր անկարգությունները կանխելու համար։