Քոչարյանը կասկածում է զորահանդեսում ցուցադրված սպառազինության արդյունավետությանը

Հայաստանի երկրորդ նախագահ Ռոբերտ Քոչարյանը կասկածի տակ է դրել երեկվա շքերթում ցուցադրված սպառազինության արդյունավետությունը։ Այս մասին ասել է Հանրային հեռուստաընկերությանը տված հարցազրույցում։

Նա միջոցառումը բնութագրել է նախընտրական՝ հիշեցնելով, որ նմանատիպ շքերթ անցկացվել էր նաև 1996 թվականի նախագահական ընտրություններից առաջ։

Անդրադառնալով ցուցադրված սպառազինությանն ու ռազմական տեխնիկային՝ Քոչարյանը  նշել է, որ հնարավոր է՝ դրանցից յուրաքանչյուրը առանձին վերցրած վատը չէ:

Քոչարյանը մտահոգություն է հայտնել, որ կարող է կրկնվել 2019 թվականի վերջին ձեռք բերված Սու-30 ՍՄ կործանիչների պատմությունը, որոնք այդպես էլ չեն կիրառվել 44-օրյա պատերազմի ընթացքում։