Պուտինը կասկածի տակ է դրել Ռումինիայում կործանված ԱԹՍ-ի «ռուսական հետքը»

ՌԴ նախագահ Վլադիմիր Պուտինը հայտարարել է, որ հենց նոր իրեն զեկուցել են Ռումինիայում ԱԹՍ-ների հետ կապված իրավիճակի մասին։

Ռումինիայում հայտնաբերված անօդաչու թռչող սարքի պատկանելության մասին ոչ ոք չի կարող խոսել, քանի դեռ փորձաքննություն չի իրականացվել, նշել է Ռուսաստանի նախագահը։

Հավանաբար, անօդաչու թռչող սարքը ուկրաինական էր։ ԱԹՍ-ները տարբեր երկրներ են թռչել, և առաջին արձագանքը միշտ եղել է՝ «ռուսներն են հարվածում», նշել է Պուտինը։
Պուտինը նաև մեկնաբանել է Ռումինիայում ԱԹՍ-ի կործանման մասին Եվրոպայի հայտարարությունները.

«Ո՞վ է Ռումինիայում ասում, որ դա ռուսական անօդաչու է։ [Շատերը] Շատերը՝ նշանակում է ոչ ոք։ Կոնկրետ ասեք։ [Ուրսուլա ֆոն դեր Լայենը] Ուրսուլա ֆոն դեր Լայենը Ռումինիայում չի եղել։ Նա չէ՞ որ չի ուսումնասիրել բեկորները։ Ոչ ոք չի կարող ասել, քանի դեռ փորձաքննություն չի իրականացվել։ Ուկրաինական անօդաչու թռչող սարքեր են մտել նաև Ֆինլանդիա և Լեհաստան։ Այնտեղ էլ արձագանքը նույնն էր, ինչ Ռումինիայում՝ գոռում էին՝ «Օգնեցե՛ք, ռուսներն են գալիս»»։