ԵԱՏՄ-ում Հայաստանի հարցը կհայտնվի քննարկման սեղանին

Եվրասիական տնտեսական միության (ԵԱՏՄ) առաջնորդները ուրբաթ կքննարկեն ԵԱՏՄ-ում Հայաստանի հետագա մասնակցության հարցը։ Այդ մասին հայտարարել է ՌԴ նախագահի օգնական Յուրի Ուշակովը։

«Վաղը կկայանա Եվրասիական բարձրագույն խորհրդի նիստը։ Կարծում եմ՝ այս հարցը այս կամ այն չափով կքննարկվի»,- լրագրողներին ասել է նա՝ պատասխանելով այն հարցին, թե ինչպիսին է ռուս-ղազախական կոնսենսուսը ԵԱՏՄ-ում Հայաստանի մասնակցության վերաբերյալ։

Պուտինը մայիսի 27-29-ը պետական այցով գտնվում է Ղազախստանում։ Աստանայում նրան ուղեկցում է ավելի քան 30 հոգուց բաղկացած պատվիրակություն, այդ թվում՝ փոխվարչապետ Ալեքսեյ Օվերչուկը և ինը դաշնային նախարարներ։ Նա նաև կմասնակցի Աստանայում կայանալիք Եվրասիական բարձրագույն տնտեսական խորհրդի նիստի շրջանակում նախատեսված միջոցառումներին։