Արմավիրի մարզում սպանել են հորը և երկու որդուն․ ArmLur,am

ArmLur.am-ի տեղեկությունների համաձայն՝ Արմավիրի մարզի Նորապատ գյուղում սպանություն է եղել։ Ազգությամբ եզդի տղամարդը սպանել է հորը և երկու որդուն։ Արմավիրի մարզում այս պահին ողջ իրավապահ համակարգն է։

Ավելի վաղ հայտնել էինք, որ կրակոցներ  են հնչել Արմավիրում․ կան զոհեր։

«Վիճաբանություն՝ Նորապատում․ որսորդական զենքով կրակոցներ արձակած անձը ներկայացել է իրավապահներին

ՆԳՆ ոստիկանության օպերատիվ խմբերը նշված վայրում պարզել են, որ կենցաղային հարցերի շուրջ վիճաբանություն է եղել մի խումբ անձանց միջև, ինչի ընթացքում նրանցից մեկը դանակով հարվածներ է հասցրել 63-ամյա կնոջը։ Դրանից հետո 63-ամյա կնոջ որդին իր անունով հաշվառված որսորդական զենքով կրակոցներ է արձակել, ինչի հետևանքով 3 անձ մահացել է։

Դեպքից հետո՝ կրակոցներ արձակած Նորապատի 38-ամյա բնակիչը ներկայացել է Համայնքային ոստիկանության Արմավիրի բաժին, խոստովանել կատարածը և իրավապահներին հանձնել զենքը։ Դեպքի հանգամանքները պարզվում են»,- հայտնել էին ՆԳՆ-ից։