ՌԴ ԶՈւ-ն լայնածավալ հարձակում է սկսել․ հարվածել են ուկրաինական մի քանի բնակավայրերի

Մայիսի 17-ի լույս 18-ի գիշերը Ռուսաստանի զինված ուժերը անօդաչու թռչող սարքերի կիրառմամբ զանգվածային հարվածներ են հասցրել Ուկրաինայի մի քանի բնակավայրերի, այդ թվում՝ Դնեպր և Օդեսա քաղաքների ուղղությամբ։

Դնեպր քաղաքում ու համանուն շրջանում վիրավորում է ստացել 26 մարդ, վիրավորներ թվում երեխաներ կան։ Դնեպրը անօդաչու սարքերի թիրախում էր հայտնվել նաև նախորդ գիշեր, իսկ ապրիլի 25-ին քաղաքը ենթարկվել էր հրթիռային և դրոնային զանգվածային հարձակման, որոնք տևել էին ավելի քան 20 ժամ։

Նույն գիշերվա ընթացքում հարձակում է սկսվել նաև Օդեսայի ուղղությամբ։ Անօդաչու սարքերի անկման և պայթյունների պատճառով վնասվել են բնակելի շենքեր, ինչպես նաև որոշ հասցեներում հրդեհներ են բռնկվել։ Վիրավորներ թվում երեխաներ կան։