Իրանից զգուշացնում են. հարավային կղզիներին ռազմական գործողություն է սպառնում

Իրանի խորհրդարանի անդամ Քամրան Ղազանֆարին կարծիք է հայտնել, որ Միացյալ Նահանգներն ու Իսրայելը կարող են նախապատրաստվել Իրանի հարավային կղզիների զավթմանն ուղղված ռազմական գործողության։

Իրանցի օրենսդիր Քամրան Ղազանֆարիի պնդմամբ՝ առկա տվյալներն ու նշանները վկայում են ԱՄՆ-ի և Իսրայելի կողմից ծրագրվող լայնածավալ գործողության մասին։ Ըստ պատգամավորի՝ հավանական է համարվում երկրի հարավային մի քանի կղզիների գրավումը, ինչի նպատակով տարածաշրջան է տեղափոխվում զգալի քանակությամբ զինտեխնիկա և զորք։

«Փաստերն ու նշանները ցույց են տալիս, որ ԱՄՆ-ը և Իսրայելը լայնամասշտաբ գործողություն են ծրագրում։ Հավանաբար, նրանք մտադիր են գրավել մեր հարավային կղզիներից մի քանիսը և տարածաշրջան են բերում մեծ քանակությամբ զորք ու տեխնիկա», — ասել է նա։