Իսրայելը «Երկաթե գմբեթը» տեղափոխում է

Իսրայելում ԱՄՆ դեսպան Մայք Հակաբին հրապարակայնորեն հաստատել է իսրայելական «Երկաթե գմբեթ» ՀՕՊ համակարգերի ուղարկումը ԱՄԷ։

Ելույթ ունենալով Tel Aviv Conference համաժողովում, Հակաբին բարձր է գնահատել Էմիրությունների դերը՝ որպես Աբրահամյան համաձայնագրերի առաջին մասնակից։ «Պարզապես նայեք օգուտներին։ Իսրայելը հենց նոր նրանց է ուղարկել “Երկաթե գմբեթի” մարտկոցներ և անձնակազմ՝ դրանց սպասարկման համար», — հայտարարել է ամերիկացի դիվանագետը։

Հակաբիի խոսքով՝ Պարսից ծոցի երկրները սկսում են հասկանալ, որ պետք է ընտրություն կատարեն Իրանի կողմից բխող սպառնալիքի և Իսրայելի հետ հնարավոր գործընկերության միջև։

Ավելի վաղ Իսրայելի և արաբական երկրների միջև գաղտնի համակարգման մասին հայտնել էր Axios-ը՝ հղում անելով տեղեկացված աղբյուրներին։ Սակայն Հակաբին դարձավ առաջին պաշտոնյան, ով բացահայտորեն հաստատեց պատերազմի ժամանակ ԱՄԷ-ի պաշտպանության համար իսրայելական ՀՕՊ համակարգի օգտագործումը։