Նեթանյահուի պահանջն ու սպառնալիքն՝ Իրանին

Իսրայելի վարչապետը ԱՄՆ վարչակազմին հայտնել է, որ Իրանի հետ ցանկացած համաձայնագիր պետք է ներառի միջուկային ծրագրի ապամոնտաժումը:

Al Arabiya հեռուստաալիքը, հղում անելով իր աղբյուրներին, հայտնում է, որ Իսրայելի վարչապետը Միացյալ Նահանգների վարչակազմին տեղեկացրել է իր դիրքորոշման մասին: 

Ըստ նրա՝ այն համաձայնագիրը, որը չի նախատեսում Իրանի միջուկային ծրագրի լիարժեք ապամոնտաժում, բավարար չի համարվի: Տեղեկությունների համաձայն՝ Իսրայելը նաև դիտարկում է ռազմական գործողությունների հետագա սրման հնարավոր տարբերակները: Մասնավորապես, քննարկվում են Իրանի էներգետիկ ենթակառուցվածքներին հարվածներ հասցնելու սցենարները՝ շեշտելով, որ բանակցային գործընթացը չպետք է ձգձգվի: