Իսրայելի ԶՈՒ-ն հայտարարություն է տարածել

Իսրայելցի զինվորականները նոր հարվածներ են հասցրել Հարավային Լիբանանին: Այս մասին հայտնել է բանակի մամուլի ծառայությունը:

Հայտարարության համաձայն՝ նրանք թիրախավորել են զենքի պահեստը և անօդաչու թռչող սարքերի արձակման հարթակը։ Այս օբյեկտները, ըստ իսրայելական կողմի, օգտագործվել են շիական «Հեզբոլլահ» կազմակերպության զինված ստորաբաժանումների կողմից, այդ թվում՝ հարավային Լիբանանում գտնվող իսրայելական զորքերի դիրքերի ուղղությամբ անօդաչու սարքեր արձակելու համար։

«Բացի այդ, հարձակման են ենթարկվել երկու լիցքավորված և կրակելու պատրաստ հրթիռային կայաններ։ Դրանցից մեկը նախկինում օգտագործվել էր հարավային Լիբանանում գործող իսրայելական ստորաբաժանումների վրա կրակ բացելու համար, իսկ մյուսը՝ Իսրայելի տարածք հրթիռներ արձակելու համար»,- հայտարարել է Իսրայելական բանակը։