Խուզարկություն և ձերբակալություններ «Ուժեղ Հայաստան»-ի գրասենյակներում

Շիրակի մարզի Անի համայնքի մի շարք հասցեներում խուզարկություններ են կատարվում։ Իրավապահները խուզարկում են նաև «Ուժեղ Հայաստան» կուսակցության Մարալիկ քաղաքի տարածքային գրասենյակը։ 

Հաստատում ենք, որ նշված հասցեներում քննչական գործողություններն իրականացվում  են ընտրակաշառք տալու, ստանալու և Քրեական օրենսգրքի մի շարք այլ հոդվածներով Հակակոռուպցիոն կոմիտեում նախաձեռնված քրեական վարույթի շրջանակներում։ Անհրաժեշտության դեպքում կտրվի լրացուցիչ տեղեկատվություն։ Այս մասին Auroranews-ին հայտնեցին Հակակոռուպցիոն կոմիտեից: