ՏԵՍԱՆՅՈՒԹ. Վեդիի դեպքը իրավապահներն են բացահայտել. Նիկոլ Փաշինյան

Նիկոլ Փաշինյանն այսօր ճեպազրույցի ժամանակ հայտնեց, որ Վեդիում տեղի ունեցած աղմկահարույց միջադեպը բացահայտվել է օպերատիվ մարմինների ահազանգի հիման վրա։


Դիտարկմանը, թե երեք ամիս առաջ տեղի ունեցած դեպքով քրեական գործընթաց է սկսվել միայն մամուլի արձագանքից հետո, Փաշինյանը հակադարձեց։


Նա պարզաբանեց, որ հենց իրավապահներն են բացահայտել դեպքն ու իրականացվում է քննությունը։ Ըստ նրա՝ լրագրողները տեղեկությունը ստացել և հրապարակել են հենց իրավապահ մարմիններից։


Վարչապետը նշել է, որ տեղյակ է կոնկրետ լրագրողների մասին, որոնք իրավապահ համակարգում աղբյուրներ ունեն և նրանցից աշխատանքային տվյալներ են ստանում։ 


Փաշինյանի խոսքով՝ այդ առնչությամբ հարուցված են քրեական գործեր, և անպատասխանատու իրավապահները կգտնվեն ու կհեռացվեն համակարգից։ Նա հավելել է նաև, որ նմանատիպ գործերով որոշ աշխատակիցներ արդեն իսկ հեռացվել են պաշտոններից։