ՏԵՍԱՆՅՈՒԹ. Վիճաբանություն` Արթուր Խաչատրյանի և Վահագն Ալեքսանյանի միջև

ԱԺ «Հայաստան» խմբակցության պատգամավոր Արթուր Խաչատրյանը արձագանքեց ՔՊ խմբակցության պատգամավորներ Վահագն Ալեքսանյանի ելույթին, որից հետո վիճաբանություն սկսվեց նրանց միջև:


Արթուր Խաչատրյանը մասնավորապես նշեց, որ 44-օրյա պատերազմի զեկույց գոյություն չունի, այն ձախողվել է. «Այդ թղթի տակ ընդամենը չորս հոգի է ստորագրել 11 հոգուց»,- ասաց Խաչատրյանը:


«Ձեզ Նիկոլ Փաշինյանը ուղղակի շանտաժի է ենթարկում։ Ասում է՝ ես չլինեմ, կլինի պատերազմ։ Այսինքն ինքը ներսում չունենալով լեգիտիմություն, հասկանալով իր գահավիժող հեղինակության և աջակցության մակարդակը, ասում է՝ ես չլինեմ, կլինի պատերազմ։ Այսինքն Ալիևը նստած ասում է՝ ինչ ուզում է լինի, եթե հանկարծ փորձեք իմ այն եղբորը, ում հետ միասին մրցանակ ենք ստացել, իրեն եթե չընտրեք՝ ես կռիվ կբերեմ։ Կայուն, արժանապատիվ խաղաղության համար Նիկոլ Փաշինյանը պետք է գնա տուն»,- ելույթը եզրափակեց Խաչատրյանը։