Հորմուզի նեղուցում իրանական ԱԹՍ-ները թիրախավորել են էմիրաթական տանկերները

Արաբական Միացյալ Էմիրությունների իշխանությունները դատապարտել են Հորմուզի նեղուցում ADNOC պետական նավթային ընկերության տանկերի վրա Իրանի կողմից իրականացված ԱԹՍ-ների հարձակումը։

ԱՄԷ արտաքին գործերի նախարարությունը X-ի իր էջում հրապարակված հայտարարությամբ խիստ դատապարտել ու վրդովմունք է արտահայտել ADNOC ընկերության տանկերի թիրախավորման կապակցությամբ։ Նշվում է, որ իրանական ահաբեկչական հարձակումն իրականացվել է երկու անօդաչու թռչող սարքերի միջոցով, երբ նավերն անցնելիս են եղել Հորմուզի նեղուցով։

«ԱՄԷ-ն ամենախիստ կերպով դատապարտում և խորին վրդովմունք է հայտնում ADNOC ընկերության տանկերի վրա իրանական ահաբեկչական հարձակման կապակցությամբ, որն իրականացվել է երկու անօդաչու թռչող սարքերի կիրառմամբ՝ Հորմուզի նեղուցով անցնելու ընթացքում»,- ասվում է հայտարարության մեջ։

Հաղորդվում է, որ միջադեպի հետևանքով տուժածներ չկան։