Ուրսուլա ֆոն դեր Լայենը` Իրանի դեմ պատժամիջոցների մասին

Եվրահանձնաժողովի նախագահ Ուրսուլա ֆոն դեր Լյայենը հայտարարել է, որ Իրանի նկատմամբ կիրառվող սահմանափակումների վերացման համար դեռևս վաղ է։

Բեռլինում կայացած պահպանողական ՔԴՄ կուսակցության և բավարական ՔՍՄ գործընկեր կուսակցության հանդիպման ժամանակ Եվրահանձնաժողովի ղեկավարը կարծիք է հայտնել, որ պատժամիջոցների չեղարկումը ժամանակավրեպ կլիներ։ Նա ընդգծել է, որ այդ միջոցները սահմանվել են Իրանի կողմից սեփական ժողովրդին ճնշելու գործողությունների պատճառով։

«Նախ մենք պետք է տեսնենք փոփոխություններ, հիմնարար փոփոխություններ Իրանում, որպեսզի պատժամիջոցները հանվեն», — նշել է ֆոն դեր Լայենը։