«Խոզերի ճղճղոց» մրցույթում Կալլասն անպայման կհաղթեր. Զախարովա

ՌԴ ԱԳՆ պաշտոնական ներկայացուցիչ Մարիա Զախարովան կարծիք է հայտնել, որ Եվրոդիվանագիտության ղեկավար Կայա Կալլասը կարող էր հաղթել Էստոնիայում անցկացվող «խոզերի ճղճղոցի» առաջնությունում իր արտահայտությունների պատճառով։

ՌԴ արտաքին գործերի նախարարության ներկայացուցիչ Մարիա Զախարովան KP.RU-ի հետ զրույցում անդրադարձել է Կայա Կալասի գործունեությանը՝ նշելով, որ վերջինիս հայտարարություններն իսկապես «խոզային» են։ Դիվանագետի խոսքով՝ ԵՄ երկրներում նմանատիպ զվարճանքները կանոնավոր բնույթ են կրում, և եթե Էստոնիայում միացնեին Կալասի ելույթների ձայնագրությունները, նա կհաղթեր այդ մրցույթում։
 

Բացի այդ, Զախարովան հարցադրում էր ուղղել Գերմանիայի իշխանություններին՝ կապված ՌԴ պաշտպանության նախարարության այն հրապարակման հետ, որտեղ նշված էին Ուկրաինայի համար ԱԹՍ-ներ արտադրող եվրոպական գործարանների հասցեները։ Ըստ դիվանագետի՝ Բեռլինը մտահոգվել է, երբ ռուսական կողմը բացահայտել է Կիևին զինող կոնկրետ ընկերությունները։
 

ԱԳՆ ներկայացուցիչը նաև տգետ էր անվանել Վլադիմիր Զելենսկուն՝ Ռուսաստանի կողմից հարևաններին վերահսկելու և դաշնակիցներին հակամարտության մեջ ներքաշելու մասին պնդումների համար։ Զախարովան շեշտել է, որ Մոսկվան տևական ժամանակ կոչ է արել Եվրոպային ու ՆԱՏՕ-ին ստեղծել ընդհանուր անվտանգության համակարգ, այլ ոչ թե առաջ տանել սեփական պայմանները։