Իրանի դեմ իրականացվող շրջափակումն անսպասելի շահույթ կբերի ԱՄՆ-ին․ Forbes

Իրանի դեմ իրականացվող շրջափակումը կարող է Միացյալ Նահանգներին անսպասելի շահույթ բերել։ Դա հնարավոր է այսպես կոչված մրցանակային դատարանների մասին օրենքի միջոցով, որը չի օգտագործվել դեռևս Երկրորդ համաշխարհային պատերազմի տարիներից։ Այդուհանդերձ, նման հնարավորությունից կարող է օգտվել ոչ միայն Ամերիկայի Միացյալ Նահանգները, գրում է  Forbes-ը։

Մրցանակային դատարանների մասին օրենքն իրենից ներկայացնում է զինված բախումների և ծովային իրավունքի նորմերի ամբողջություն։ Այն կիրառվում է թշնամական կամ չեզոք կողմերի այն առևտրային նավերի հանդեպ, որոնք ենթարկվել են գրավման։

Նավը գրավելուց հետո այն կարող է տեղափոխվել հակամարտող կողմի իրավասության տակ գտնվող նավահանգիստ։ Այնտեղ իրականացվում է զննություն և գործի քննություն մրցանակային դատարանի կողմից, որը պետք է պարզի գրավման օրինականությունը։ Եթե դատարանը հաստատում է, որ գործողությունը եղել է օրինական, ապա նավն ու դրանում առկա բեռը կարող են հայտարարվել որպես մրցանակ։ Այս պարագայում սեփականության իրավունքը պաշտոնապես փոխանցվում է գրավումն իրականացրած երկրին։