Ալիևը նշել է՝ որ դեպքում կարելի է խաղաղության հասնել․ Ադրբեջանի նախագահը՝ Հայաստանի մասին

Ադրբեջանի և Հայաստանի օրինակը վկայում է այն մասին, որ չնայած ձգձգված հակամարտությանը, տառապանքներին և փոխադարձ անվստահությանը, խաղաղությանը կարելի է հասնել ուժեղ քաղաքական կամքի և միջազգային աջակցության առկայության դեպքում: Այս մասին հայտարարել է Ադրբեջանի նախագահ Իլհամ Ալիևը։

«Ձեռնարկում ենք քայլեր՝ խաղաղությունը ամրապնդելու և այն գործնականում իրականացնելու համար: Մեր երկու հասարակություններն արդեն զգում են խաղաղության իրական օգուտները՝ տնտեսական, առևտրային և այլ ոլորտներում։  Ադրբեջանն իր տարածքով ապահովում է սեփական նավթամթերքների, ինչպես նաև երրորդ երկրներից ցորենի և այլ ապրանքների արտահանումը դեպի Հայաստան։  Երկու երկրների միջեւ վստահության ամրապնդման միջոցառումները կարևոր նշանակություն ունեն տևական խաղաղության հաստատման համար։  Քաղաքացիական հասարակության ներկայացուցիչների պարբերական հանդիպումները, պետական մակարդակով նախաձեռնություններին զուգահեռ, դրական ներդրում են ունենում այս գործընթացում»,- ասել է  Ադրբեջանի նախագահ Իլհամ Ալիևը։