ՏԵՍԱՆՅՈՒԹ․ ՌԴ-ն ամենախոշոր հարձակումներից մեկն է իրականացրել․ Զելենսկի

Ուկրաինայի վրա ռուսների գիշերային հարձակման հետևանքով զոհվել է չորս մարդ, ավելի քան 30-ը տուժել են։ Այս մասին գրել է Ուկրաինայի նախագահ Վլադիմիր Զելենսկին։

«Ներկայումս Դնեպրի հիվանդանոցներում են գտնվում 11 մարդ։ Բնակելի շենքին հասցված հարվածի վայրում շարունակվում է փրկարարական գործողությունը։ Փլատակների տակ կարող են դեռ մարդիկ լինել։ Գրեթե ողջ գիշեր ռուսները գնդակոծել են Դնեպրը և մեր մյուս քաղաքներն ու համայնքները։ Այս պահի դրությամբ հայտնի է, որ ողջ Ուկրաինայում ընդհանուր առմամբ վիրավորվել է ավելի քան 30 մարդ։ Տուժածներ կան նաև Չեռնիգովի, Օդեսայի և Խարկովի մարզերում։ Ցավոք, կան զոհեր։ Չորս մարդ սպանվել է։ Իմ ցավակցությունն եմ հայտնում հարազատներին և մերձավորներին», - գրել է Ուկրաինայի նախագահ Վլադիմիր Զելենսկին։