Մենք չափազանց միամիտ ենք․ Մակրոնը կոչով է հանդես եկել

Ֆրանսիայի նախագահ Էմանուել Մակրոնը կոչ է արել պայքար սկսել Չինաստանի դեմ։

«Եվրոպական արդյունաբերության այսօրվա գլխավոր խնդիրներից մեկը, եթե մենք ցանկանում ենք իրականացնել ինքնիշխանության այս օրակարգը, վերաբերում է Չինաստանին։

Չինաստանը բառացիորեն ոչնչացնում է եվրոպական արդյունաբերության մեծ մասը։ Նայեք ավտոմոբիլային արդյունաբերությանը և հաստոցաշինության ոլորտներին։ Այստեղ ակնհայտորեն նկատվում է չինացիների ճնշող առավելությունը։

Անցյալ տարի նրանք Գերմանիայում բառացիորեն ոչնչացրել են 250 000 աշխատատեղ։ Չինաստանն ու ԱՄՆ-ն ունեն կարգավորումներ, բայց այդ կարգավորումները նախապատվությունը տալիս են իրենց ազգային խաղացողներին։

Շատ դեպքերում մեր կարգավորումը բեռ է եվրոպական խաղացողների համար, իսկ մենք չափազանց միամիտ ենք և չափազանց բաց ոչ եվրոպական խաղացողների համար»,- ասել է  Ֆրանսիայի նախագահ Էմանուել Մակրոնը։