Մակրոնը զգուշացնում է Թուրքիային․ քայլեր կձեռնարկվեն

Ֆրանսիայի նախագահ Էմանուել Մակրոնը հայտարարել է, որ Թուրքիայի կողմից սպառնալիքի դեպքում Ֆրանսիան կկանգնի Հունաստանի կողքին։

Լրագրողի հարցին, թե ինչ քայլեր կձեռնարկի Ֆրանսիան, եթե Էգեյան ծովում վտանգվի Հունաստանի ինքնիշխանությունը, Էմանուել Մակրոնը տվել է հստակ պատասխան։ 

Նա նշել է, որ Թուրքիայի կողմից Հունաստանին սպառնալու պարագայում իրենք ներկա կլինեն և կաջակցեն հույներին։ Մակրոնը շեշտել է, որ եթե Հունաստանի ինքնիշխանությունը հայտնվի վտանգի տակ, երկիրը պետք է ձեռնարկի անհրաժեշտ քայլերն իր պաշտպանության համար, իսկ Ֆրանսիան այդ ընթացքում կլինի նրանց կողքին։