Հայտնի է՝ ինչ են քննարկել Ուկրաինայի և Ադրբեջանի նախագահները․ Զելենսկին առաջակ ունի

Ուկրաինայի նախագահ Վլադիմիր Զելենսկին առաջարկել է Ուկրաինայի և Ռուսաստանի միջև խաղաղության շուրջ բանակցություններն անցկացնել Ադրբեջանում։ Այդ մասին նա հայտնել է Ադրբեջանի առաջնորդ Իլհամ Ալիևի հետ մամուլի ասուլիսի ժամանակ, որի հեռարձակումն իրականացնում է Ուկրաինայի նախագահի գրասենյակը։

«Ես Ադրբեջանի նախագահի հետ կիսվել եմ, որ մենք պատրաստ ենք եռակողմ բանակցությունների։ Մենք նման բանակցություններ ենք ունեցել Թուրքիայում, ամերիկացի գործընկերների հետ՝ Շվեյցարիայում։ Մենք պատրաստ ենք նման բանակցությունների Ադրբեջանում», - ընդգծել է Զելենսկին։

Զելենսկին նաև պատմել է, որ Ուկրաինան և Ադրբեջանը ստորագրել են վեց համաձայնագիր անվտանգության և ապրանքաշրջանառության ավելացման ոլորտներում։

Հավելենք՝  Զելենսկին առաջարկել է Ուկրաինայի և Ռուսաստանի միջև բանակցություններ անցկացնել Ադրբեջանում: 

Ուկրաինայի առաջնորդը պաշտոնական այցով Բաքու է ժամանել Սաուդյան Արաբիա կատարած ուղևորությունից հետո, որտեղ, իր խոսքով, «շատ արդյունավետ» հանդիպում է ունեցել Սաուդյան Արաբիայի թագաժառանգ արքայազն Մուհամմեդ բեն Սալման Ալ Սաուդի հետ։ Զելենսկին հայտարարել է, որ բանակցությունները վերաբերել են անվտանգության ոլորտում փոխգործակցությանը, էներգետիկ համագործակցությանը և պարենային անվտանգությանը։