ՏԵՍԱՆՅՈՒԹ․ Ես չեմ ուզում վարչապետ լինել. Ծառուկյան

«Բարգավաճ Հայաստան» կուսակցության առաջնորդ Գագիկ Ծառուկյանն այցելել է Լոռու մարզի Մեծ Պարնի գյուղ, որտեղ հանդիպել է տեղի բնակիչների հետ։ 

Հանդիպման ընթացքում նա շեշտել է. «Անլուծելի խնդիր չկա։ Պետք է ճիշտ կառավարում, որ արդյունք լինի, աճ լինի, և այդ միջոցներն ուղղվեն ժողովրդին»։

Անդրադարձ է կատարվել նաև քաղաքական թեմային՝ վարչապետի պաշտոնում հնարավոր առաջադրմանը։ Ծառուկյանը հայտարարել է. «Ես չեմ ուզում վարչապետ լինել, որ չասեն՝ գյուղերով ընկած ձայն է հավաքում։ Մեզ պետք է ապագայի վարչապետ, որը կկարողանա երկիրն այս վիճակից հանել։ Մենք կաջակցենք նման մարդուն»։

Վերջում նա դիմել է բնակիչներին. «Ես այս հող ու ջրից ծնված մարդ եմ և միշտ արել եմ այն, ինչ կարողացել եմ։ Կարևորը ոչ թե փողն է, այլ այն գործը, որը մնում է։ Ես միշտ ժողովրդի կողքին եմ»։

Բնակիչներն այսպես են եզրափակել հանդիպումը. «Ժողովուրդն է հարստությունը, բայց եթե ժողովուրդն աղքատ է, պետությունը չի կարող հարուստ լինել»։