ԱՄՆ նախագահը՝ հայերի մասին

Ամերիկայի Միացյալ Նահանգները և Հայաստանը միասին կշարունակեն իրենց ջանքերը՝ ուղղված առավել անվտանգ և բարգավաճ աշխարհի կառուցմանը: Այս մասին ասված է ԱՄՆ նախագահ Դոնալդ Թրամփի՝ հայ ժողովրդին ուղղված ուղերձում, որը հրապարակվել է ապրիլի 24-ին Սպիտակ տան կայքում:

Նա հստակեցրել է, որ ԱՄՆ վարչակազմն ամրապնդում է ռազմավարական գործընկերությունը Հայաստանի հետ՝ ստեղծելով զգալի հնարավորություններ հայ ժողովրդի համար և նպաստելով Հարավային Կովկասում կայուն և երկարաժամկետ դիմակայունության հաստատմանը:

«Այժմ ամերիկացիներն ու հայերը կողք կողքի կանգնած են պատմական Խաղաղության խորհրդում՝ միասնական մեր ձգտման մեջ՝ ուժի միջոցով բացելու խաղաղության նոր դարաշրջան», - նշվում է ԱՄՆ նախագահի ուղերձում: