Արաղչին հայտարարությամբ է հանդես եկել

Իրանի արտգործնախարար Աբբաս Արաղչին Հարավային Կորեայի հատուկ դեսպանորդի հետ հանդիպմանը հայտարարել է, որ Պարսից ծոցի և Հորմուզի նեղուցի տարածաշրջանում անկայունության գլխավոր գործոնը ԱՄՆ-ի և Իսրայելի «ագրեսիան» է։

Իրանի արտաքին գործերի նախարար Աբբաս Արաղչին Հարավային Կորեայի հատուկ դեսպանորդ Չան Բյոնգ-հայի հետ հանդիպման ընթացքում շեշտել է, որ Հորմուզի նեղուցում և Պարսից ծոցի գոտում տիրող անկայուն իրավիճակի հիմքում ընկած է ԱՄՆ-ի ու Իսրայելի իրականացրած «ագրեսիան»։ Նախարարը հավաստիացրել է, որ սեփական անվտանգության պաշտպանության հարցում Իրանի Իսլամական Հանրապետության քայլերը համապատասխանում են միջազգային իրավունքի նորմերին։ Ըստ նրա՝ հակամարտության հետևանքով առաջացող ողջ պատասխանատվությունը ընկնում է «ագրեսորների» վրա։ Արաղչին նաև դիմել է մյուս պետություններին՝ կոչ անելով հստակ դիրքորոշում դրսևորել և դատապարտել Իսրայելի ու ԱՄՆ-ի գործողությունները։