Թրամփը հանդես է եկել նոր սպառնալից հայտարարությամբ

ԱՄՆ նախագահ Դոնալդ Թրամփը հայտարարել է, որ նավահանգիստների շրջափակման պատճառով Իրանն ամեն օր կորցնում է շուրջ 500 միլիոն դոլար։ Դոնալդ Թրամփն այս մասին գրառում է կատարել «Truth Social» սոցիալական ցանցում։

Նա նշել է. «Շրջափակում, որը մենք չենք վերացնի մինչև համաձայնության հասնելը, դա լրջորեն թուլացնում է Իրանին: Նրանք օրական կորցնում են 500 միլիոն դոլար, ինչը նույնիսկ կարճաժամկետ հեռանկարում կայուն չէ»:

Սպիտակ տան ղեկավարը նաև հավելել է, որ որոշ լրատվամիջոցներ տարածում են «հակաամերիկյան կեղծ լուրեր»՝ ցանկանալով, որ Իրանը առավելություն ստանա։