Նա իր սեփական գլխով կվճարի․ Իսրայել Կաց

Իսրայելի պաշտպանության  նախարար Իսրայել Կացը  հայտարարել է, որ Լիբանանում իրականացվող գործողությունների հիմնական թիրախը «Հեզբոլլահի» զինաթափումն ու երկրի հյուսիսի անվտանգության ապահովումն է։

Նրա պարզաբանմամբ՝ «Հեզբոլլահի» դեմ պայքարը մղվում է դիվանագիտական և ռազմական քայլերի համադրման միջոցով։

Նախարարը շեշտել է, որ չնայած Լիբանանի և Իսրայելի միջև հրադադարի հաստատմանը, իսրայելական ստորաբաժանումները շարունակում են տեղակայված մնալ Լիբանանի հարավային հատվածում։ 

Կացի պնդմամբ՝ սպառնալիքի դեպքում զորքերը կկիրառեն իրենց ողջ հզորությունը և կձեռնարկվեն խիստ միջոցներ։ Բացի այդ, պաշտպանական գերատեսչության ղեկավարը սպառնալիք է հնչեցրել «Հեզբոլլահի» առաջնորդի հասցեին՝ նշելով, որ վերջինս սեփական գործողությունների համար կվճարի իր գլխով։