ԱՄՆ-ն Իրանին գործարք է առաջարկել․ Թեհրանից դեռ արձագանք չկա

Միացյալ Նահանգները քննարկում է Իրանի հետ 20 միլիարդ դոլարի գործարք կնքելու հնարավորությունը՝ հարստացված ուրանի պաշարներից հրաժարվելու պայմանով։

Ըստ Axios-ի հաղորդած տեղեկությունների՝ կողմերի միջև քննարկվում է պատերազմի դադարեցմանը վերաբերող երեք էջանոց ծրագիր։ 

«Այդ նախագծի կետերից մեկը նախատեսում է Իրանի՝ նախկինում սառեցված 20 միլիարդ դոլարի ազատումը։ Դրա դիմաց Թեհրանը պետք է հրաժարվի հարստացված ուրանի իր ունեցած պաշարներից»,- հաղորդում է  Axios-ը։