11:00 Լուրերը մեկ տողով. ԱՄՆ-ն լքում է Ուկրաինային, իսկ Ռուսաստանը տարհանում է «Բուշեր» ԱԷԿ-ը

· Ազգային ժողովը շարունակում է քառօրյա նիստերի աշխատանքը: Պատգամավորներն այսօր կավարտեն օրակարգային հարցերի քննարկումը, որից հետո նախատեսված է հարցուպատասխան կառավարության անդամների հետ:

· «Միասնության թևեր» կուսակցությունը կմասնակցի 2026 թվականի ընտրություններին: Քաղաքական ուժի ղեկավարությունը հայտարարել է պատրաստվածության մասին՝ շեշտադրելով արդարության և իրավունքի գերակայության սկզբունքները:

· Մեկնարկում է Սամվել Կարապետյանի դատավարությունը: Իշխանության զավթման կոչերի և այլ հոդվածների գործով անցնող մեղադրյալի փաստաբանները միջնորդել են վերացնել տնային կալանքի որոշումը:

· Լարվածություն և շրջափակում Հորմուզի նեղուցում: ԱՄՆ-ի կողմից Իրանի դեմ սահմանված ծովային սահմանափակումների ֆոնին տասնյակ նավեր անցնում են տարածքով՝ անջատելով իրենց տեղորոշման համակարգերը:

· ԱՄՆ-ը դադարեցնում է Ուկրաինային զենքի տրամադրումը: Վաշինգտոնը պաշտոնապես հայտարարել է մատակարարման գործընթացից դուրս գալու մասին՝ կոչ անելով եվրոպական երկրներին ինքնուրույն հոգալ այդ ծախսերը:

· Եվրոպան մշակում է ՆԱՏՕ-ի պահեստային պլան: ԱՄՆ-ի հնարավոր դուրսգալու դեպքում մայրցամաքի երկրները նախապատրաստվում են սեփական առաջնորդությամբ ինքնուրույն պաշտպանություն ապահովել:

· Դոնալդ Թրամփը քննադատել է ՆԱՏՕ-ի դաշնակիցներին: Նա հայտարարել է, որ դաշինքի անդամները երբևէ պատշաճ օգնություն չեն ցուցաբերել ԱՄՆ-ին և դժվար թե անեն դա ապագայում:

· Ռուսաստանը տարհանել է իր մասնագետներին «Բուշեր» ԱԷԿ-ից: Իրանական կայանի վրա հասցված հարվածից հետո հատուկ չվերթներով երկրից դուրս են բերվել հարյուրավոր քաղաքացիներ, այդ թվում՝ հայ մասնագետներ: