Եկատերինբուրգում դատապարտվել են ադրբեջանական սփյուռքի նախկին ղեկավարն ու որդին

Եկատերինբուրգի Կիրովի շրջանային դատարանն ավարտել է ադրբեջանական սփյուռքի նախկին ղեկավար Շահին Շիխլինսկու և նրա որդու՝ Մուտվալի Շիխլինսկու դեմ հարուցված հերթական քրեական գործի քննությունը։

Դատարանը նրանց մեղավոր է ճանաչել իշխանության ներկայացուցչի նկատմամբ բռնություն կիրառելու մեջ։ Այս դրվագով հորը նշանակվել է 9 տարվա խիստ ռեժիմի, իսկ որդուն՝ 8 տարվա ընդհանուր ռեժիմի ազատազրկում։ Հարկ է նշել, որ սա Շահին Շիխլինսկու առաջին դատավճիռը չէ։ Ընթացիկ տարվա մարտի սկզբին նա արդեն դատապարտվել էր 22 տարվա ազատազրկման՝ սպանության և սպանության փորձի մեղադրանքներով։ Նոր հանցակազմի ի հայտ գալուց հետո դատարանը վերանայել է պատժաչափը՝ կիրառելով պատիժների մասնակի գումարման սկզբունքը։ Վերջնական որոշմամբ՝ Շահին Շիխլինսկին անազատության մեջ կանցկացնի ընդհանուր առմամբ 24 տարի։ Դատավճռի համաձայն՝ պատժի առաջին 4 տարին նա կկրի բանտում, իսկ մնացած ժամանակահատվածը՝ խիստ ռեժիմի ուղղիչ գաղութում։ Դատական ակտն ուժի մեջ է մտել հրապարակման պահից։