ՏԵՍԱՆՅՈՒԹ. Միրզոյանը՝ Բաքվում պահվող հայ գերիների մասին

Հայաստանի և Ադրբեջանի միջև հաստատված խաղաղության ամրապնդման կարևոր քայլերից մեկը Բաքվում պահվող հայ գերիների ազատ արձակումն է։ Այս մասին Էստոնիայի ԱԳ նախարար Մարգուս Ցահքնայի հետ համատեղ ասուլիսի ժամանակ հայտարարել է ՀՀ ԱԳ նախարար Արարատ Միրզոյանը։ 

«Ցավոք սրտի, բոլոր հարցերը չէ, որ լուծված են։ Բաքվում դեռ կան գերիներ, պահվող անձինք, և մեր դիրքորոշումը նույնն է՝ այս մարդիկ պետք է օր առաջ ազատ արձակվեն։ Մենք վստահ ենք, որ նրանց ազատ արձակումը միայն կգա ամրապնդելու հաստատված խաղաղությունը»,- ասել է Միրզոյանը։ 

Էստոնիայի ԱԳ նախարար Մարգուս Ցահքնան իր հերթին նշել է, որ խաղաղության հաստատումը Հայաստանի և Ադրբեջանի միջև պատմական նշանակության քայլ է, սակայն բոլոր խնդիրները հնարավոր չէ լուծել կարճ ժամանակում։

«Այս խաղաղության ընթացքն իրական է և շարունակական։ Այն հայ ժողովրդի համար ապագա է ձևավորում։ Խաղաղությունը հիմք է հետագա բոլոր քայլերի համար՝ բարգավաճման, տնտեսական զարգացման և հիմնարար ազատությունների ապահովման ուղղությամբ»,- նշել է նա։