ՏԵՍԱՆՅՈՒԹ․ Առաջին օրվանից ասել եմ՝ անընդունելի է․ Ավինյանը նկատողություն է արել

Երևանի քաղաքապետ Տիգրան Ավինյանը հանձնարարել է «Երևան Ավտոբուս» ՓԲԸ-ի տնօրեն Բեգլար Կիրակոսյանին ներկայացնել այս տարվա ծախսերի ֆինանսական հաշվարկները և հիմնավորել լրացուցիչ միջոցների անհրաժեշտությունը։

Նա նաև անդրադարձել է վարորդների մասնակցությանը ուղեվարձի հավաքագրմանը։

«Հավաքագրումից կախված է նաև արտաժամյա աշխատանքների վճարումը։ Ուզում եմ շատ հստակ ասել։ Չի կարող լինել մի իրավիճակ, երբ մենք բոլոր աշխատակիցներին, վարորդներին նորմալ վճարում ենք բոլոր արտաժամյա աշխատանքների համար, և իրենք որևէ կերպ որևէ պրոցեսին չեն մասնակցում, մասնավորապես՝ հավաքագրման պրոցեսին չեն աջակցում»,- ասել է նա՝ ընդգծելով, որ դա անընդունելի է։

«Սա իրականում երևի նրանց մեղքը չէ, այլ՝ ձեր դրվածքն է, որ առաջին օրվանից ասել եմ՝ անընդունելի է»,- նշել է նա՝ հավելելով, որ մեկ ամիս անց կվերլուծեն ցուցանիշները։