ՏԵՍԱՆՅՈՒԹ. Երեխեքին էնքան գյուղից դուրս չենք թողնում, որ բանակում չեն դիմանում. Նիկոլ Փաշինյան

Լեռնամերձում Նիկոլ Փաշինյանի հետ հանդիպման ընթացքում բնակիչները դժգոհեցին, որ գյուղի դպրոցը փակվում է, իսկ երեխաները պետք է հաճախեն հարևան Ամբերդում կառուցվող նոր կրթահամալիր։ Փաշինյանի խոսքով՝ ծրագրի նպատակն է երեխաների համար ստեղծել ավելի հարմարավետ պայմաններ։


«Էս ի՞նչ մտածողություն է` երեխեն հանկարծ տնից էն կողմ չգնա, վայ, երեխեն գյուղից դուրս չգա: Բա որ երեխու 18 տարեկանը լրացավ, գյուղում է մնալո՞ւ: Երեխեքին էնքան գյուղի քառակուսուց դուրս չենք թողնում, գնում են բանակ, չեն դիմանում: Էդ երեխեքը կյանքում 4 հոգուց ավել շփման միջավայր չեն ունեցել: 20 հոգանոց դպրոցում ավարտած երեխու բանակ գնալն արդեն պրոբլեմ է, 20 հոգանոց դպրոցում սովորած, ավարտած երեխու` 50 հոգանոց կոլեկտիվում աշխատելը պրոբլեմ է: Չի կարելի երեխեքին ցանկապատի մեջ դնել»,- հակադարձեց Փաշինյանը: