Պետությունը բազմազավակ ընտանիքներին կապահովի բնակարանով․ նախագիծ

Կառավարությունը նախատեսում է բնակարանային աջակցություն տրամադրել 6 և ավելի անչափահաս երեխա ունեցող ընտանիքներին՝ 100 տոկոս սուբսիդավորմամբ։

Աշխատանքի և սոցիալական հարցերի նախարարությունը ներկայացրել է նախագիծ, որով առաջարկվում է 6 և ավելի անչափահաս երեխա ունեցող ընտանիքների համար ներդնել բնակարանային ապահովման պետական աջակցության ծրագիր։ Ընդունվելու դեպքում օրենքը ուժի մեջ կմտնի 2027 թվականի հունվարի 1-ից։

Նախագծով առաջարկվում է ծրագրի պայմաններին համապատասխանող ընտանիքներին յուրաքանչյուր անչափահաս երեխայի հաշվով տրամադրել 4 մլն դրամ՝ հիփոթեքային վարկավորմամբ բնակարան ձեռք բերելու կամ տուն կառուցելու նպատակով։

Եթե ընտանիքը նախընտրի բնակվել գյուղական բնակավայրում, լրացուցիչ կստանա ևս 4 մլն դրամ աջակցություն, որը կարող է օգտագործվել անհատական տան կառուցման համար հողամաս ձեռք բերելու կամ գյուղատնտեսական նշանակության հող գնելու նպատակով։

Նախագծի համաձայն՝ առաջարկվում է սահմանել նվազագույն բնակմակերես՝ ընտանիքի յուրաքանչյուր անդամի հաշվով 10 քմ

Ըստ Աշխատանքի և սոցիալական հարցերի նախարարության՝ Հայաստանում ներկայումս  6 և ավելի անչափահաս երեխա ունեցող 643 ընտանիք կա։