ՏԵՍԱՆՅՈՒԹ. Առաջիկա օրերը լինելու են վճռորոշ. Փիթ Հեգսեթ

ԱՄՆ Պենտագոնի ղեկավար  Փիթ Հեգսեթը  հայտարարել է, որ որ Իրանի դեմ իրականացվող ռազմական գործողության առաջիկա օրերը լինելու են վճռորոշ։ Նա այդ մասին խոսել է երեքշաբթի օրը անցկացված ճեպազրույցում՝ ընդգծելով, որ իրավիճակը հասել է կարևոր հանգրվանի։

Նրա խոսքով՝ մեկ ամսվա ընթացքում Վաշինգտոնը ձևավորել է իր պայմանները, և այժմ զարգացումները կարող են որոշիչ ազդեցություն ունենալ։ Հեգսեթը նաև նշել է, որ Թեհրանը գիտակցում է իրավիճակը՝ ընդգծելով, թե ռազմական ճանապարհով Իրանը չի կարող էականորեն փոխել ընթացքը։


Հիշեցնենք՝ փետրվարի 28-ից ԱՄՆ-ն և Իսրայելը հարվածներ են հասցնում Իրանի տարածքում գտնվող օբյեկտներին, այդ թվում՝ մայրաքաղաք Թեհրանին։ Այս գործողություններին ի պատասխան՝ Իրանը հարվածներ է հասցնում Իսրայելի տարածքին, ինչպես նաև Մերձավոր Արևելքում տեղակայված ԱՄՆ ռազմական օբյեկտներին։