Եթե 2021-ին մենք ընտրվեինք, Ղարաբաղը չէր դատարկվի. Ռոբերտ Քոչարյան

«Եթե մենք լինեինք, 2021 թվականին ընտրվեինք, Ղարաբաղը հաստատ չէր դատարկվի»,- «Մեծ քաղաքականություն» փոդքաստի ընթացքում հայտարարել է երկրորդ նախագահ Ռոբերտ Քոչարյանը՝ նշելով. «Պրահայում այդ ապուշ հայտարարություն չէինք ստորագրի, որն ամբողջ կոնֆիգուրացիան փոխեց»:

Հարցին՝ եթե իրենք հաղթեն ընտրություններում, արդյո՞ք պատերազմ կլինի, Քոչարյանը պատասխանել է․ «Իհարկե չի լինի»։


Նա նաև նշել է, որ Նիկոլ Փաշինյանը խոսում է խաղաղության պայմանագրի մասին, որն, ըստ նրա, գոյություն չունի։ «Սա էլ մի հետաքրքիր մանիպուլյացիա է։ Կա մի թուղթ, որը իրավական ուժ չունի, և այդ թղթի մասին այնքան են խոսել, որ այն դարձել է իբրև իրավական ուժ ունեցող թուղթ»»,- հավելել է Քոչարյանը։