Ադրբեջանի ակնկալիքը՝ Իրանից․ Բայրամովը մանրամասնում է

Ադրբեջանի արտաքին գործերի նախարար Ջեյհուն Բայրամովը հեռախոսազրույց է ունեցել Իրանի ԱԳ նախարար Սեյեդ Աբբաս Արաղչիի հետ։ Տեղեկությունը տարածել է Ադրբեջանի ԱԳՆ մամուլի ծառայությունը։ 

Զրույցի ընթացքում կողմերը քննարկել են տարածաշրջանում ստեղծված իրավիճակը և անդրադարձել ռազմական լարվածության նվազեցման հնարավոր ուղիներին։ Նախարարները նաև կարծիքներ են փոխանակել Կասպյան տարածաշրջանում անվտանգության ապահովման կարևորության վերաբերյալ։

Բայրամովը զրույցի ընթացքում կրկին ընդգծել է ադրբեջանական կողմի ակնկալիքները՝ կապված Իրանի տարածքից Նախիջևանի Ինքնավար Հանրապետություն իրականացված անօդաչու թռչող սարքերի հարձակումների հետաքննության ավարտի հետ։

Բացի այդ, կողմերը քննարկել են նաև երկկողմ օրակարգի մի շարք հարցեր, որոնք ներկայացնում են փոխադարձ հետաքրքրություն։