Սրբուհի Գալյանը` 1 տարեկան երեխայի ծեծի դեպքի մասին

Արդարադատության նախարար Սրբուհի Գալյանը ճեպազրույցի ընթացքում, անդրադառնալով 1 տարեկան երեխայի ծեծի դեպքին և նման դեպքերը կանխելու կամ մեղմացնելու նպատակով քրեական օրենսգրքում պատժի փոփոխություններ կատարելու մասին հարցին, ասել է, որ առանձին դաժանությամբ սպանության համար նախատեսված է ընդհուպ մինչև ցմահ ազատազրկում։

«Դրանից ավել ի՞նչ նախատեսվի քաղաքականություն մշակող մարմնի կողմից, մահապատի՞ժ նախատեսվի: Ես ձեզ նորություն պետք է ասեմ, որ Հայաստանը և Եվրոպայի Խորհուրդը մահապատժից զերծ գոտի են, և մարդու իրավունքների ու ազատությունների վերաբերյալ կոնվենցիան արգելում է մահապատիժը»,- նշել է նա: