Վրաստանում սուգ է հայտարարվել. մահացել է Համայն Վրաստանի կաթողիկոս-պատրիարքը

93 տարեկան հասակում մահացել է Համայն Վրաստանի կաթողիկոս-պատրիարք Իլիա II-ը:

Կաթողիկոս-պատրիարքը (աշխարհիկ անունը՝ Իրակլի Շիոլաշվիլի) ծնվել է 1933 թվականին։ Ստանալով հոգևոր կրթություն, այդ թվում՝ Մոսկվայի հոգևոր ակադեմիայում, նա իր կյանքը նվիրել է եկեղեցուն ծառայելուն։

1950–60-ական թվականներին անցել է ուղի՝ հոգևորականից մինչև եպիսկոպոս, ապա՝ մետրոպոլիտ։

Իլիա Երկրորդը ընտրվել է Համայն Վրաստանի կաթողիկոս-պատրիարք 1977 թվականին։ Ծառայության տարիներին նա դարձել է վրաց ժողովրդի միասնության և հոգևոր վերածննդի խորհրդանիշ։

Մինչ նոր առաջնորդի ընտրությունը, Վրաց ուղղափառ եկեղեցին կղեկավարի պատրիարքական գահի տեղապահ, Վլադիկա Շիո Մուջիրին։