Դատարանը վերացրել է Տեր Մկրտիչ եպիսկոպոս Պռոշյանի տնային կալանքը

Դատարանը մարտի 17-ին կայացած նիստում որոշել է վերացնել Արագածոտնի թեմի առաջնորդ Տեր Մկրտիչ եպիսկոպոս Պռոշյանի նկատմամբ կիրառված տնային կալանքը։

Հիշեցնենք, որ Մկրտիչ եպիսկոպոս Պռոշյանը հոկտեմբերի 16-ից կալանավորված էր 2 ամսով, այնուհետև կալանքի ժամկետը ևս 2 ամսով երկարաձգվել էր։ Ավելի ուշ կալանքը փոխարինվել էր տնային կալանքով։

Նա մեղադրվում է երկու հոդվածով՝ ընտրական իրավունքին խոչընդոտելու՝ իշխանական կամ ծառայողական լիազորությունների օգտագործմամբ, ինչպես նաև հավաքներին մասնակցելուն հարկադրելու՝ կրկին նույն լիազորությունների կիրառմամբ։

Նույն քրեական գործով տուժողներ են ճանաչվել Արամայիս Թախմազյանը (կարգալույծ եղած նախկին տ․Թադեն) և Ստեփան Ասատրյանը (կարգալույծ եղած նախկին տ․Արամը)։