Արաղչին զգուշացնող հայտարարությամբ է հանդես եկել

Իրանի արտաքին գործերի նախարար Աբբաս Արաղչին զգուշացրել է, որ Իրանի վրա ԱՄՆ-ի և Իսրայելի հարվածները կարող են գլոբալ հետևանքներ ունենալ։

«Ավելի ու ավելի շատ մարդիկ, այդ թվում՝ եվրոպացի և ամերիկացի պաշտոնյաներ, հայտարարում են, որ Իրանի դեմ պատերազմը անարդար է։ Միջազգային հանրության ավելի ու ավելի շատ անդամներ պետք է հետևեն նրանց օրինակին։ Համաշխարհային հետևանքները նոր են սկսվել և կհարվածեն բոլորին՝ անկախ հարստությունից, կրոնից կամ ռասայից։ Մեր թշնամին միասնական է», - գրել է Աբբաս Արաղչին սոցիալական ցանցերում։

Իրանի ԱԳ նախարարը նաև հրապարակել է Ջո Քենթի հայտարարությունը՝ Ազգային հակաահաբեկչական կենտրոնի տնօրենի պաշտոնից հրաժարականի մասին, որտեղ Քենթը նշել է, որ Իրանը «անմիջական սպառնալիք չի ներկայացնում Միացյալ Նահանգների համար»։