Փարիզը թույլատրել է ԱՄՆ-ին օգտագործել իր բազաները
Ֆրանսիան ժամանակավորապես թույլատրել է ԱՄՆ ռազմական օդանավերին օգտագործել Մերձավոր Արևելքում տեղակայված իր ռազմաբազաները։ Այս մասին հայտնում է AFP գործակալությունը՝ հղում անելով երկրի Զինված ուժերի գլխավոր շտաբին։
Գլխավոր շտաբի ներկայացուցչի խոսքով՝ ԱՄՆ-ի հետ համագործակցության շրջանակում ամերիկյան օդանավերի ներկայությունը թույլատրվել է տարածաշրջանում գտնվող ֆրանսիական բազաներում։ Նա նշել է, որ այդ միջոցառումը ժամանակավոր բնույթ ունի։
Պաշտոնական աղբյուրի փոխանցմամբ՝ ամերիկյան օդանավերը ներգրավված են տարածաշրջանում Ֆրանսիայի գործընկերների պաշտպանությանն աջակցելու գործողություններում։ Սակայն չի հստակեցվել, թե կոնկրետ որ ռազմաբազաների մասին է խոսքը։
Ավելի վաղ Իսպանիան հրաժարվել էր ԱՄՆ-ին թույլ տալ օգտագործել իր տարածքում գտնվող ռազմաբազաները Իրանի դեմ հնարավոր գործողությունների համար։ Այդ որոշմանը արձագանքելով՝ ԱՄՆ նախագահ Դոնալդ Թրամփը հայտարարել էր, որ Վաշինգտոնը կարող է դադարեցնել առևտրային հարաբերությունները Իսպանիայի հետ։
Նմանատիպ հոդվածներ
Ավելին Քաղաքականություն բաժնից
Ռուսաստանի դեմ ուղղված որևէ բան չկա․ Փաշինյան
Պատվից զուրկ մարդիկ՝ թող չփորձեն մեր ուժը․ նրանք կզղջան․ Ալիև
Եկել եք Քոչարյանի 200 միլիոն դոլարը պաշտպանելու․ Ռուբինյանը՝ ընդդիմադիրներին
