Բաքվից Հայաստան է ուղարկվում 31 վագոն դիզելային վառելիք

Հայաստան է ուղարկվում 1,984 տոննա դիզելային վառելիք (31 վագոն)։ Միաժամանակ այսօր Բաքվից ճանապարհ է ընկնում նաև 135 տոննա պարարտանյութով բեռնված երկու վագոն, որոնք Ռուսաստանից Հայաստան են տեղափոխվում Ադրբեջանի տարածքով,  այս մասին հայտնում են ադրբեջանական ԶԼՄ-ները։

Ադրբեջանի և Հայաստանի միջև խաղաղության ծրագրի շրջանակում Ադրբեջանից Հայաստան նավթամթերքի արտահանումը սկսվել է նախորդ տարվա դեկտեմբերի 18-ից։

Նախագահ Իլհամ Ալիևը այս տարվա հոկտեմբերի 21-ին Ղազախստան կատարած պետական այցի ընթացքում հայտարարել էր, որ Ադրբեջանը վերացրել է դեպի Հայաստան բեռների տարանցման բոլոր սահմանափակումները, որոնք գործում էին օկուպացիայի ժամանակներից։