Իրանի ԱԳՆ-ն հայտարարություն է տարածել

Իրանի արտաքին գործերի նախարար Աբբաս Արաղչին հայտարարել է, որ ԱՄՆ-ն ներգրավվել է պատերազմում սեփական ընտրությամբ՝ Իսրայելի շահերը առաջնահերթ համարելով։ Նրա խոսքով՝ Վաշինգտոնի գործողությունները պայմանավորված չեն եղել Իրանի կողմից ներկայացվող իրական սպառնալիքով։



Արաղչին ընդգծել է, որ «իրանական սպառնալիք» երբևէ գոյություն չի ունեցել։ Նա պնդել է, որ հակամարտության հետևանքով թափված ամերիկյան և իրանական արյան պատասխանատվությունը կրում են այն ուժերը, որոնք Իսրայելի շահերը դասում են առաջին տեղում։



Իրանի ԱԳ նախարարը նաև հայտարարել է, որ ամերիկացի ժողովուրդը արժանի է ավելի լավ քաղաքական որոշումների։ Նրա կարծիքով՝ ԱՄՆ քաղաքացիները պետք է վերականգնեն վերահսկողությունը սեփական երկրի նկատմամբ։