ՆԱՏՕ-ի դիրքորոշումը՝ Իրանում ԱՄՆ-ի և Իսրայելի գործողությունների վերաբերյալ

ՆԱՏՕ-ն չի մասնակցի Իրանում ԱՄՆ-Իսրայելական գործողությանը։ Այս մասին հայտարարել է ՆԱՏՕ-ի գլխավոր քարտուղար Մարկ Ռյուտեն։

Միևնույն ժամանակ, նա նշել է, որ ՆԱՏՕ-ն աջակցում է Մերձավոր Արևելքում իրականացվող գործողություններին։

Գլխավոր քարտուղարը Իրանը բնութագրել է որպես սպառնալիք հարևան երկրների, ինչպես նաև Եվրոպայի և Ուկրաինայի համար։ Նրա խոսքով՝ այդ հանգամանքով է պայմանավորված եվրոպացի առաջնորդների դրական վերաբերմունքը Իսլամական Հանրապետության նկատմամբ հասցված հարվածներին։

Ռյուտեն նաև բարձր է գնահատել ԱՄՆ նախագահ Դոնալդ Թրամփի դերակատարությունը՝ նրան անվանելով «ազատ աշխարհի առաջնորդ»։