Լուրերը մեկ տողով. Վարչապետն ԱԽ նիստ է անցկարցրել, տարածաշրջանում լարվածությունը շարունակում է աճել

Անցած ժամվա լուրերը՝ հակիրճ և բովանդակային:

•Հայաստանի անվտանգության խորհուրդը քննարկել է Իրանում և Մերձավոր Արևելքում ստեղծված իրավիճակը։ Նիստի արդյունքում տրվել են հանձնարարականներ, մասնակիցները ցավակցություն են հայտնել զոհերի կապակցությամբ և ընդգծել խաղաղության անհրաժեշտությունը։

•Իսրայելը հայտարարել է Իրանի դեմ հարվածների նոր ալիքի մասին, իսկ Թեհրանը խոստացել է պատասխան գործողություններ։ Իրանը հաստատել է իր գերագույն առաջնորդի սպանությունը:

•ԱՄՆ պաշտոնյաները հայտարարել են, որ Իրանի դեմ ռազմական գործողությունները կշարունակվեն այնքան, որքան անհրաժեշտ է։ Ամերիկա-իսրայելական օպերատիվ պլանը նախատեսում է մի քանի օր տևող մասշտաբային հարվածներ։

•Ուկրաինայի նախագահը նշել է, որ խաղաղ բանակցությունների հաջորդ փուլը կախված է Մերձավոր Արևելքում իրավիճակից։ Նա չի բացառել, որ հանդիպումը կարող է կայանալ մարտի սկզբին Աբու Դաբիում։

•Թուրքիան մտահոգություն է հայտնել Իրանի դեմ իրականացվող հարձակումների կապակցությամբ և հայտարարել, որ խորապես վշտացած է զարգացումներից։

•ԱՄՆ-ում անցկացված ազատ ոճի ըմբշամարտի մրցաշարում Հայաստանի ներկայացուցիչ Արման Ծառուկյանը հաղթանակ է տարել։ Գոտեմարտի ավարտին մրցակիցների միջև միջադեպ է գրանցվել։